رسالة من عضوة فالموقع ... الى انا عملته فى البنت دى حلال والا حرام !!!

وصلتنا رسالة من عضوة معانا فالموقع ... بتقول فيها الى انا عملته فى البنت دى حلال والا حرام  !!! و...

وصلتنا رسالة من عضوة معانا فالموقع ... بتقول فيها الى انا عملته فى البنت دى حلال والا حرام  !!! و دا باقي الرسالة : انا مشكلتي  جوزي مدمن مواقع تواصل اجتماعي ويقعد يكلم بنات بس مش بيقابلهم ولا بتوصل للفون واحدة بعتتله رقم تليفونها والله قالها لا انا علاقتي علي النت وبس وانا بحب مراتي انا شوفت بعيني المهم يابنات حصل بنا مشاكل كتير واقوله وقتك كله نت وانا فين يقولي انا بحبك وبعدين هو انا بقابلهم وطبعا بيقعد كلام معاهم لحد الصبح ياكل ويقعد ويطلعلي وانا نمت اصلا ويقفل الباب عليه وهو قاعد طبعا انا معايا الباسورد بتاعه بس هو ميعرفش وانا نت بدخل اشوف كلامه معاهم ويتحرق دمي بس مبقولوش اني بشوف بقوله اني متضايقة عشان بتكلم غيري وطبعا قعدنا كتيييييييييييييييير في مشاكل وكانت هتوصل للطلاق كذا مرة بسبب الزفت ده الله يحرق النت والبلاوي اللي بتيجي منه انا جوزي وسيم شبه الممثل بتاع ***** كده بس طبعا عنده عيوب ربنا اداله الشكل بس خد منه حاجات كتير وطبعا هو فرحان بشكله وبيقعد يحط صورة ويشغل كام للبنات ومبسوط انهم بيشكرو فيه انا عندي بيبي بس وحياة ربنا الناس في الشارع بتقولي ياانسة المهم يابنات عنوان الموضوع بقي انا فكرت وصليت واستعنت بالله قولت انا استحملته 5 سنين مش هضيعه من ايدي وادي للبنات علي الجاهز فبقيت ادخل علي الاكونت بتاعه واعمل نسخ للمسجات بينه وبين البنات في مرة لقيت بنت هي متجوزة واكبر منه كانت بتكلمه وكده وقالتله اقابلك قالها لاء انا قولتلك انا بحب مراتي انا بكلم علي النت وبس وبعدين راحت خدت ايميله وشغلتله الكاميرا وطبعا لابسة لبس مش محترم قالته انا احلي ولامراتك قالها بصراحة مراتي بس انتي حلوة برده المهم البنت قعدت تلف عليه وتبعتله رقمها وتقوله نتقابل وكده هو بصراحة برده غازلها بس انا عارفة جوزي لو معجب بحد هيقابله بس هو بيموت فيا بس النت ده ادمان اووووووووووي المهم يابنات انا قعدت اعيط وكل لما ارضع البيبي يرجع من كتر زعلي قولت هقوله متكلمش حد هنرجع للمشاكل وهنطلق روحت نسخت الرسايل وعملت ايميل جديد وبعت الرسايل من الايميل الجديد للايميل بتاعي الشخصي اللي هو عملهولي عشان لو انا عند بابا ومش معايا فون يكلمني عليه بليل انا بفضل الله مش بكلم حد ولا عمري هعمل شيء حرام المهم روحت بعت الرسايل لنفسي وقعدت كده كام يوم ابعت لنفسي من الميل الجديد لايميلي الشخصي لحد اسبوع وطبعا انا مش مبيناله حاجة وقلبي بيتحرق كل لما بقرا رسالة وكل لما يدخل ويقفل وابقي عارفة انها فاتحاله الكاميرا وقعده تتمايص وتتدلع عليه بس قولت اصبر ان الله مع الصابرين قولت قلبي يتحرق اسبوع احسن مااسيب واحدة تاخد جوزي مني هو دلوقتي بيحبني بس الشيطان شاطر المهم صبرت وقعدت ابعت لنفسي وبعد اسبوع اتصلت بيه وهو في الشغل قولتله تعاللالي حالا قالي في ايه قولتله بقولك تعالي بدل وكتاب الله ماهتيجي ماهتلاقيني ولا انا ولا ابنك المهم فعلا جي روحت انا كنت لبست ولميت هدومي وهدوم ابني وقولتله طلقني قالي ليه عشان النت برده ماانا قولتلك انا بتكلم عادي وبقول اني بحبك روحت فتحتله ايميلي اللي هو عارفه طبعا وفتحت ارشيف الرسايل علي الميل ووريتلو الكلام اللي مبعوتلي(طبعا انا اللي بعتاه لنفسي) راح قالي ايه ده قولتله هو ده الكلام العادي كاميرا ولبس ضيق وتقولك اقابلك وانت تقولها جسمك حلو ومياصة وقله ادب وغضب ربنا بتخوض في عرض زوجها ربنا هيردوهولك في عرضك وانا مش عايزة ابقي عرضك وطلقني حالا قالي انا مرديتش اقابلها قولتها لا قولتله المرة الجاية تردي انت عمال تغازل فيها وهي رايحة تبعتلي الكلام اللي بينكو عشان تخلينا نتطلق حسبي الله ونعم الوكيل فيكو ابقي فرحها وقلها ان احنا هنطلق وقالتلي هعمل كل شوية اكونت واكلمه من عليه لحد مااخليكي تتطلقي طيب ليه بتعمل معايا كده تخلي واحدة منحلة زي دي تهيني ليه انا عمري جرحتك وطبعا عياط ودموع بس انا اصلا محروقة منه المهم ده سكت وفتح الميل وهزأها وشتمها قالتله مش انا والله طيب هو ايميلي قالي متكدبيش انتي عملتي ميل تاني وبتضايقي مراتي بقي انا بكلمك كويس تخربي بيتي وبعدين انتي اللي شغلتلي الكاميرا الاول وكلام تهزيء وهي تحلف وتقولي انا مقدرش ازعلك قالها انتي كدابة محدش يعرف الكلام بالتفصيل غيري انا وانتي مين هيبعتلها وكمان بتعملي كذا اكونت وتكلميني كانك كذا واحدة وباعته الكلام وراح دخل كمان شتم البنات اللي عنده معظمهم وهي شتمها راحت شتمته وقطعت علاقتها بيه نهائي بس انا يوميها ضميري مأنبيني حاسة اني افتريت علي واحدة او جيبتلها تهزيء في شيء هي مظلومة فيه كده ربنا هيعاقبني اصل جوزي مكانش هيبطل غير كده مفيش راجل بتقوليله بطل نت بيبطل ولو قولتليله ياانا يالنت هيقولك انتي وهيكلم من وراكي الراجل مبيتعاندش والمرفوض بالنسبة لاي راجل بيبقي مرغوب فاانا فكرت كده عشان اضمن كمان انه من ورايا مش هيعمل كده كده حرام اني كذبت عليها و لا حلال ؟