نعم اصبحت عانسه !!

العنوسه دي كلمه دارجه في الوطن العربي معناها ان البنت فاتها قطر الجواز زي ما بنقول ... (عانس) على وزن فاعل ...

العنوسه دي كلمه دارجه في الوطن العربي معناها ان البنت فاتها قطر الجواز زي ما بنقول ...

(عانس) على وزن فاعل اي انها كلمه سهله النطق ولكنها ثقيله على القلب وممكن تكون في اوقات سكينه تغرس في القلب مباشره...

الاحصائيات في مصر بتقول ان 9 ملايين شاب وفتاه عوانس زي ما بيقولو و5.5 مليون شاب و3.5 مليون فتاه تجاوزو عمر ال 35 ومعدل العنوسه في مصر يمثل 17% من البنات اللي في عمر الزواج يعني واضح انها حاله عامه....

ممكن اسال سؤال ...

هو انتي ايش ضمنك انك لما تجوزي وتخلصي من العنوسه متكونش منتظراكي كلمه اصعب زي مطلقه او تعيسه او مخدوعه او متخانه؟؟؟؟؟

هو يعني عشان عنستي حياتك انتهت خلاص مينفعش تبقي ناجحه في شغلك ؟؟

مينفعش تعملي اي حاجه في حياتك خلاص متتظره الموت؟؟؟

لا الحياه مبتنتهيش....

متخليش كلمه مفتعله زي دي الناس اخترعوها تهد حياتك ده قدرك محدش يعرف نصيبه فين...

ومحدش يعرف الخير فين...

يمكن ربنا شايلك انسان كويس بس هيجي في وقت يكون مناسب ليكو انتو الاتنين...

يمكن انتي هتكوني احسن لو متجوزتيش في الدنيا وربنا حاطك لرساله تانيه في الدنيا تعمليها وشايلك زوج من الحور العين في الاخره...

يمكن ربنا شايل عنك حاجه وحشه تحصلك لو قدر ليكي الجواز دلوقتي...

متبصيش تحت رجليكي وتاملي في قول الله تعالى:

(وعسى ان تكرهو شيئا وهو خير لكم وعسى ان تحبو شيئا وهوم شر لكم)

وياريت الناس تحس شويه وتبطل ترشق الخناجر دي في قلوب الناس وتمحي الكلمه دي من قاموسها ...

عانس كلمه محدش يحس بيها غير اللي عايشها ارجوكم...

رفقا بالقوارير..................